Fy Hawliau

  • Mae gan blant a phobl ifanc hawl i orffwys ac i chwarae, ac mae hynny’n cynnwys pob math o weithgareddau y gallech fod eisiau cymryd rhan ynddynt yn eich amser hamdden
  • Wrth i chi fwynhau eich amser hamdden, mae eich hawliau eraill yno i’ch diogelu
  • Mae Llywodraeth Cymru’n cymryd eich hawl i chwarae ac ymlacio o ddifrif

Dyw dweud bod gennych ‘hawl i orffwys’ neu ‘hawl i chwarae’ ddim yn cynnwys popeth sydd yn Erthygl 31 Confensiwn y Cenhedloedd Unedig ar Hawliau’r Plentyn. Mae hyn yn ymwneud â sicrhau bod pawb o dan 18 yn cael amser i fwynhau digonedd o wahanol weithgareddau. Mae rhai pobl yn hoffi treulio’u hamser hamdden yn dysgu sgiliau newydd, ac mae eraill eisiau cwrdd â ffrindiau a threulio amser gyda nhw. Mae llawer o gyfleoedd ar gael ar hyd a lled Cymru, ac mae eich hawliau o dan Erthygl 31, a’r hawliau eraill o dan y Confensiwn, yn golygu y dylech gael cymaint â phosib o gyfle i fwynhau heb gael eich trin yn annheg na theimlo nad ydych yn ddiogel.

Fy Hawliau